Мегьарамдхуьруьн Буткъазмайрин ДЮСШ-да тренер Садир Къайтмазован регьбервилик чирвилер къачузвай Амина Къайтмазова Вирироссиядин кьезил атлетикадин «Агъзур бажарагъ» проектдин иштиракчи хьана.
Тlвар кьунвай проектдин иштиракчийрин сиягь спортдин рекье еке агалкьунар къазанмишнавайбурукай ибарат я. Амина Къайтмазовади Дагъустандин кlвенкlвечивал патал кьиле фейи акъажунра са шумудра хъчан чкаяр кьуна. И агалкьунрилай гъейри, ам Вирироссиядин спортдин акъажунрин приздин сагьибни я.
«Агъзур бажарагъ» проектди Россиядин спортсменриз чеб къалурдай мумкинвал гузва. Проектдин сиягьдик акатуналди, кьезил атлетикадин рекьяй алакьунар авайбуруз Россиядин сергьятра авай спортдин тешкилатри кьетlен фикир гуда.
Чна жегьил спортсменкадиз ва адан тренердиз и агалкьун мубаракзава.
«Лезги газет»
