9 ва 11-классрин выпускникрин кIелунин йис акьалтIна. Гьукуматдин имтигьанар вахкудай кьетIен вахт алукьнава. 11-классрин аялар имтигьанар патал 28-майдилай эгечIнавай. Абуру чпи алава авунвай пуд предметдай: географиядай, информатикадай ва ИКТ-дай имтигьанар вахкана. 9-классрин аялриз имтигьанар вахкудай вахт 25-майдиз алукьнавай.
Докъузпара районда имтигьанрин пункт (ППЭ) ЦIийи-Каракуьре хуьруьн СОШ-да кардик ква.
Имтигьандин вилик мектебдин ракIарив гвай пешекарри, гьар са аялдин паспорт ахтармишиз, абурув гвай телефонар ва маса имтигьандиз хас тушир шейэр вахчуз, аялар къенепатаз ачухзавай. Вири имтигьанар вахкузвай классар гуьзчивилик кутунвай, абур техникадин тадаракралди таъминарнавай.
Къейд авун лазим я хьи, истемишунрал амал авуналди, имтигьанар кьетIен гуьзчивилик кваз кьиле физва.
«Лезги газет»
