И йикъара ЦIийи Къаякентда 2007-2009-йисара дидедиз хьайи жаванрин арада боксдай кьиле фейи республикадин турнирда Дагъларин уьлкведин саки вири районрайни шегьеррай тир 120-далай виниз боксёрри чпин гъутарин устадвал къалурна. Абурун арада СтIал Сулейманан райондин администрациядин спортдин, туризмдин ва жегьилрин крарин рекьяй комитетди рекье тунвай спортсменрин дестени авай.
ИкI, турнирда иштиракай КIварчагъа боксдай кардик квай ДЮСШ-дин тренер-муаллим Альберт Межидован гъилик вердишвилер къачузвай жаван спортсменар — Имам Сейфулаев (52 кг-дал къведалди заланвал авайбурун арада) ва Агьмед Шамсудинов (57 кг-дал къведалди заланвал авайбурун арада) — 1, Артём Агъамегьамедов 2-чкайриз лайихлу хьана. Гъалиб хьайи спортсменриз талукь дережайрин дипломар, грамотаяр, кубокар ва пишкешар гана.
РикIел хкин: А.Межидован гъилик вердишвилер къачузвай жаванри республикадилай къеце кьиле физвай акъажунрани датIана иштиракзава ва кIвенкIвечи чкаярни кьазва.
Чи мухбир
