Юридический икьрарар

Государстводин ва муниципальный къуллугърилай гъейри, МФЦ-дин идарада юридический къуллу­гъар­ни кьилиз акъудзава. Гьа жергедай яз — терефрин арада юридический жуьреба-жуьре икьрарар туь­кIуь­рунин месэлани. Кьилди къачуртIа, агъадихъ къейднавайбур:

— юридический идарадин устав туькIуьрун;

— дидевилин капитал ишлемишуналди, кIвалер маса къачун;

— автомобиль ва я маса хсусият маса къачунин, гунин икьрар;

— икьрардик алава объект, субъект кухтун;

— юзан тийидай объект паюнин икьрар (соглашение) туькIуьрун;

— маса гунин-къачунин икьрар, дегишарунин, пишкешунин икьрар;

— чарчел кхьенвай жуьреда юридический ре­кьяй­ меслятар гун;

— гъвечIи ва юкьван бизнесдиз талукь къуллугърин чарар-арзаяр кьабулун;

— искдин арза, чар, шикаят, наразивал ва я ха­бар кьунин документ туькIуьрун;

— судда векилвал авун. 

Улакь гьалзавайбурун праваяр дегишарун

Водителвилин праваяр дегишар хъувунин кар вири дуьшуьшра гьа са къайдада кьилиз акъудзава:

— водителвилин шагьадатнамадин вахт куьтягь хьайилани;

— документдиз зарар хьанвайлани, ам чуьнуьх­навайлани ва я квахьнавайлани;

— кьилдин маса себебар авайлани.

Улакьар гьалзавайбур патал шагьадатнама дегишарунин (цIийи кьилелай вахчунин) регьят рекьерикай сад МФЦ-дин идарадикай хийир къачун я. Агъадихъ къалурзавай документар герек жеда:

— водителвилин куьгьне праваяр (аматIа);

— паспорт;

— медицинадин справка.

Водителвилин шагьадатнама гун патал 2000 манатдин кьадарда госпошлина гана кIанзава. И къуллугъ кьилиз акъудунин муддат кIвалахдин 15 йикъакай ибарат я.

«Лезги газет»