Дагъустанда и йикъара XXXVI сеферда международный дережада аваз эдебиятдин «Лацу дурнайрин йикъар» фестиваль кьиле физва.
Фестивалдин сад лагьай мярекат Махачкъалада, Шииратдин театрда, Дагъустандин халкьдин шаир Расул Гьамзатован гуьмбетдал цуьквер эцигунилай ва шикилрин «Хуьруьн ва планетадин шаир» выставка ачухунилай гатIунна.
Къе гьакIни республикадин меркезда Урусатдин писателрин Союздин Пленум кьиле фида. Ана РФ-дин писателрин Союздин председатель Николай Ивановани иштиракда.
Къейд ийин хьи, Р.Гьамзатован эдебиятдин алемдиз бахшнавай и фестивалда иштиракун патал Дагъустандиз къецепатан уьлквейрайни мугьманар атанва.
«Лезги газет»
