Телефонни пул чуьнуьхна
Къизилюрт райондин полициядин къуллугъчийри яшлу къуншидин кIваляй эменни чуьнуьхай 22 йисан яшда авай жегьил кьунва. Идакай РД-дин МВД-дин пресс-къуллугъди хабар гузва.
Тади гьалда серенжем кьабулай полицейскийри тайинарайвал, дакIардай гьахьна, жегьил итимди къуншийрин кIваляй 10 агъзур манатдин къимет авай телефон чуьнуьхна. КIваляй эхкъечIдайла, шкафда авай 3 агъзур манат кьван пулни вахчуна.
Малум хьайивал, угъриди тахсиркарвал кьилиз акъудай макъамда кIвалин иесияр тир пабни итим ахвара авай.
Вичин тахсир хиве кьур жегьилди ихтилат авурвал, 64 йисан яшда авай иесидихъ галаз регьимлу къуншивилин алакъаяр авай, ам гагь-гагь абурун кIвализ мугьманвилизни физвай.
Кьунвайдаз талукь яз РФ-дин УК-дин 158-статьядай (угъривал) уголовный дело къарагъарнава.
«ЛГ»
