30-августдиз РД-дин Кьил Сергей Меликова Росгвардиядин Дагъустанда авай управленидин СОБР-дин “Ястреб — Каспий” базадал кьил чIугуна ва ам анин регьбердихъни аскеррихъ галаз гуьруьшмиш хьана. Идакай С.Меликован сайтда хабар ганва.
СОБР-диз къуватлувилин, руьгьдин жигьетрай кьетIен ерияр авай къуллугъчияр хкязава ва абуру виридалайни четин, жавабдар тапшуругъар кьилиз акъудзава. Четин тапшуругърик, кьилди къачуртIа, терроризмдихъни экстремизмдихъ галаз женг тухунин, тахсиркарвилерай тагькимарунин, тахсиркарвилерин вилик пад кьунин, залукар азад хъувунин серенжемар акатзава.
Къе СОБР-дин подразделенидин векилри Украинада, кьегьалвални викIегьвал къалуруналди, аскервилин буржи тамамарзава.
Сергей Меликова дестедиз сагърай лагьана, къуллугъчияр телеф хьунихъ галаз алакъалу яз абурун мукьва-кьилийриз, подразделенидиз башсагълугъвал гана. Ада къейд авурвал, абуру чпин уьмуьр чи Ватандин агьалияр, итижар хуьниз бахшна. Дагъустандин аскерри чIехи пешекарвал, алакьунар ва кьинез вафалувал къалурзава.
С.Меликова инанмишарайвал, спецназдин телеф хьайи къуллугъчийрин багърийрив датIана государстводин патай куьмек агакьун патал республикадин кьиле авайбуру мумкин тир вири крар ийида.
Чи мухбир
