16-августдиз Махачкъалада кьиле фейи республикадин АПК-дин хилен месэлайриз талукьарнавай конференциядал РД-дин Гьукуматдин Председатель Абдулмуслим Абдулмуслимова хабар гайивал, 3 йисан къене мелиорациядин макьсадриз Дагъустандин бюджетдай 1 миллиард манат чара авуна.
Региондин премьер-министрди къейд авурвал, республикадин аграрный сектор вилик тухунин карда мелиорациядин комплексдихъ еке метлеб ава. Алай вахтунда Дагъларин уьлкведа 396 агъзур гектар дигидай целди таъминарнава.
Мелиорациядин комплексдиз пулдин такьатар чара авуни хъсан нетижаярни арадал гъанва. Мисал яз, прунз цазвай майданрин кьадар 30 агъзур гектардив агакьариз алакьна.
А.Абдулмуслимова Дагъустанди мелиорациядиз талукь федеральный дережадин программада иштиракуникайни малуматар гана. И программада алай вахтунда Къизляр, Тарумовский, Гуниб, СтIал Сулейманан, Гергебил ва маса районри иштиракзава.
«Лезги газет»
