1-сентябрдиз, Чирвилерин юкъуз, Вирироссиядин литературадин “Классдин мах” конкурсдин хкядай пай башламиш жезва. Ам культурадин рекьяй теклифрин куьмек гунин Президентдин фондунин куьмекдалди писателрин ва ктабар акъудзавайбурун союзрин Ассоциацияди кьиле тухузва.
“Классдин махуна” мектебрин тамам классривай санлай иштиракиз жеда. Конкурсдин иштиракчийрин яш 12 йисалай 16 йисал кьван хьун лазим я.
Сад лагьай, яни хкядай паюна командайри (мектебдин классди, руководителни галаз, 12-16 йисарин яшда авай аялри) школадин программадик квай литературадин гьихьтин хьайитIани эсердиз талукь 1 декьикьадин ролик ва я и эсердай са сегьне лентиниз къачун лазим я.
Пешекаррикай ибарат жюриди фикирдин итижлувилиз, актервилин алакьунриз, парталриз къимет гуда. Конкурсдин материал 2022-йисан 1-октябрдалди кьабулда. 10-октябрдилай геж тушиз АСПИ-дин пешекаррикай ибарат жюриди 20 гъалибчи хкяда — абур конкурсдин 10-октябрдилай 20-октябрдалди кьиле фидай асул паюнин иштиракчияр жеда. Конкурсдиз талукь тамам делилар РД-дин образованидин ва илимдин министерстводин сайтдай жагъида.
«Лезги газет»
