10-июндиз, Урусатдин йикъан сергьятра аваз, Дагъустандин Кьил Сергей Меликова республикадин яшайишдин жуьреба-жуьре хилера тафаватлу хьайи са десте дагъус­тан­­вийрив государстводин шабагьар ­вах­кана.

“Дагъустандин милли къилихдин гужлу ерийрик зегьметкешвал, кIевивал, къаст ­кьилиз акъудиз алахъун ква. И ерияр къе ина кIватI хьанвайбурузни хас я. Яшайишдин гьи хиле куьне кIвалахзаватIани, квекай гьар сад Ватан абад ийиз, виликди физ, инсанрин дуланажагъ хъсанариз алахъзава”, — лагьана Сергей Меликова, шабагьар вахкудайла.

Къейд ийин хьи, саки 30 кас кьван гьуьрметдин тIварариз, орденриз, гьуьр­метдин ­грамотайриз, разивилин чарариз лайихлу хьана. Абурун арада До­къузпара райондай тир гзаф  аялар авай  диде Зуьгьре Абаса­гъаева, СтIал Сулейманан рай­ондай тир муаллим Халилбег Халилбегов, Дербентдин коньякрин комби­натдин генеральный ди­ректор ­Загьирбег ТIаибов, Ме­гь­а­рамд­хуьруьн райондин Ярагъ-Къаз­майрин юкьван мектебдин ди­ректор Фезина Аюбова, Дербентдин пассажирар санай масаниз тухудай улакьрин карханадин къуллугъчи Шагьлар Къазиев ва масабур авай.

Шабагьриз лайихлу хьайибурун тамам си­ягьдихъ галаз РД-дин Кьилин сайтда таниш жедай мумкинвал ава.

Чи мухбир