РФ-дин юстициядин министерстводин Дагъустанда авай Управленидин кьил дегиш хьанва. И къуллугъ Заур Сейфединович Тархановал ихтибарнава.
З.С.Тарханов 1979-йисуз Махачкъалада дидедиз хьана. Жуьреба-жуьре йисара Саратовдин областда, Москва шегьерда, Дагъустанда прокуратурадин, силисдин органра кIвалахна. 2020-йисалай РД-дин Счетный палатадин инспекциядин начальникдин везифаяр тамамарзавай.
РД-дин Гьукуматдин Председатель Абдулмуслим Абдулмуслимова 10-июндиз къул чIугур къарардин бинедаллаз Дагъустандин информациядин ва печатдин Агентстводин кьилин заместителвиле Аслудин Салмирзаевич Мегьамедов тайинарнава.
Авай делилралди, адан бине Ботлих райондай я. Виликдай А.Мегьамедова республикадин промышленностдин ва алишверишдин министерствода управленидин начальникдин заместитель яз кIвалахзавай.
Чи мухбир
