Ахцегь райондин Ухулрин хуьряй тир намуслу, мегьрибан дишегьли, саки яхцIурни цIуд йисуз Дагъустан Республикадин зегьметдин ва яшайишдин рекьяй вилик финин министерствода гьакъисагъвилелди кIвалахай Къурбанова Асмая Ниязовнадиз Махачкъалада яшамиш жезвай Абдулгъаниеврин хизанди ва санал кIвалахай юлдашри 70 йисан юбилей тебрикзава.
Асмая Ниязовнади, къуллугъдин везифаяр пешекарвилелди, гъавурда аваз, намуслувилелди, бегьерлувилелди кьилиз акъудуналди, кIвалахдин юлдашрихъ галаз хуш рафтарвал авуналди, жегьилриз гьар са карда куьмек гуналди, тежриба чируналди, министерстводин чIехи коллективда еке гьуьрмет къазанмишна. Адахъ чандин сагъвал, рикIин шадвал хьун чи мурад я.
«ЛГ»
