9-майдиз Докъузпара райондин кьилин заместитель Салигь Гьажимурадова ва райондин УСЗН-дин начальник Эсед Арабова Къалажухрин хуьряй тир Ватандин Чlехи дяведин ветеран Атамов Межид Салигьовичаз Гъалибвилин сувар чпин, райондин ва республикадин руководстводин патайни мубаракна.

Мугьманри ветерандив РД-дин Кьилин везифаяр вахтуналди тамамарзавай Владимир Васильеван патай тебрикдин чар вахкана. Дяведин вахтунда гьар са ветеранди, гьа жергедай яз къалажухви Межид Атамовани Гъалибвилик кьет1ен пай кутунва.

Къейд ийин, Къалажухрин хуьре алай вахтунда Ватандин Чlехи дяведин иштиракчийрикай амайди анжах Межид Атамов я. Гъалибвилик чпин пай кутурбур несилрин рикlера мидаим яз амукьда.

«Лезги газет»