Украинада РФ-дин Яракьлу Къуватри тухузвай махсус серенжемда медицинадин къуллугъдин майор, госпиталдин филиалдин начальник Байрамбегов Робертан игитвилин гьерекатрикай Россиядин оборонадин министерстводи 23-апрелдиз хабар гана.
“Донецкдин ва Луганскдин республикаяр азад авун патал кьил кутунвай махсус серенжемда сифте йикъарилай иштиракзавай медицинадин къуллугъдин майор Роберт Байрамбегова Россиядин Яракьлу Къуватрин частариз медицинадин рекьяй къуллугъ авун тешкилунин везифаяр чешнелудаказ тамамарзава.
Хирер жезвайбур саламатдиз талукь чкайриз агакьарун патал ада вичи регьбервал гузвай медицинадин идарайринни авиациядин подразделенийрин арада датIана алакъаяр хуьзва ва кIевевай аскерриз куьмек гузва.
Россиядин кьушунри гуьзчивалзавай са аэродромдиз неонацистри гуьлле гудай вахтунда Байрамбегова медицинадин са дестедиз регьбервална. Гъавурда аваз тешкилай кIвалах себеб яз, хирер хьанвай 15 аскер саламат чкадиз акъудна. Гьа са вахтунда медицинадин дестедикай са касни хкатнач, я садални хер-кьацI хьанач.
Махсус серенжем кьиле тухузвай вахтунда Р.Байрамбегова вичин везифаяр лазим тирвал кьилиз акъудзава. Адан куьмек хирер хьанвай 600 касдив кьван агакьна”, — лугьузва РФ-дин оборонадин министерстводин малуматда.
1978-йисуз Дербент шегьерда дидедиз хьайи ва Самарадин военно-медицинадин институт куьтягьай Роберт Байрамбегов СтIал Сулейманан райондин КIварчагърин хуьряй я.
Чи мухбир
