РД-дин экономика вилик тухунин рекьяй оперштабдин заседанидал РД-дин эцигунрин, архитектурадин ва ЖКХ-дин министр Артур Сулейманова республикадин эцигунрал ишлемишзавай эцигунардай материалрин къиметрин гьакъиндай лагьана.
Ада къейд авурвал, республикадин къиметар арадал гъизвай центради ишлемишзавай 50 жуьредин материалрин мониторинг гьар гьафтеда кьиле тухузва. Малум хьайивал, са бязи шейэрин къиметар февралдин вацра авайбурал хтана. Амма чIехи пай материалрин къиметар дегиш тахьана ама.
Алай йисан сад лагьай кварталда металлдихъ галаз алакъа авай шейэрин къиметар 15 процентдин хкаж хьана. Винел полиэстер алай шейэрин, (профнастил) къимет 50 процентдин виниз фена. Акриловый ширер 25 процентдин, кабелдин продукция 20-далай 60 процентдив агакьна хкаж хьана.
А.Сулейманова къейд авурвал, иллаки къецепатан уьлквейрай маса къачузвай шейэрихъ галаз алакъалу материалрин къиметар хкаж хьанва.
«Лезги газет»
