Дагъустан республикада 2017-йисалай инвестицийрин шартlар арадал гъунин жигьетдай муниципальный районрин чкадин самоуправленидин гьар йисан рейтинг кардик кутунва. Къейднавай рейтинг республикадин мулкара инвестициядин хъсан шартlар таъминарунин мураддалди, РД-дин Гьукуматдин къарардал асаслу яз, кьиле тухузва.

Цlинин йисан рейтингдин нетижайра Сулейман-Стальский районди РД-дин муниципалитетрин арада 4-чка кьуна. Район 2018-йисан 7-мартдин РД-дин экономикадинни территорияр вилик тухунин министерстводин къарардалди Гьуьрметдин грамотадалди къейдна.

Къейд ийин, Сулейман-Стальский районда инвестицияйрин жигьетдай чlехи кlвалахар тухузва, гьар йисуз хейлин инвесторар желбзава ва экономика йигин еришралди виликди физва.

«Лезги газет»