Мартдин эвел кьилера Орёл шегьерда 21 йисал къведалди яшара авай спортсменрин арада армрестлингдай Россиядин кIвенкIвечивал патал акъажунар кьиле фена. Ана чи уьлкведин жуьреба-жуьре пипIерай тир спортсменри чпин гъилерин къуватар ахтармишна. Шадвилелди а кардикай хабар гуз кIанзава хьи, абурун арада СтIал Сулейманан райондай тир пагьливанарни авай.
И акъажунра машгьур спортсмен ва тренер Малик Тагьирбегован гъилик вердишвилер къачузвай пуд спортсменди кIвенкIвечи чкаяр кьуна. Абурун жергедай тир Равил Тагьирбегов 21 йисал къведалди яшара (60 кг-дал къведалди заланвиляй) авайбурун арада 1-чкадиз лайихлу хьана. Фарид Бабаева 18 йисал къведалди яшара авайбурун арада (50 кг-дин заланвиляй) -2 ва Мирзебег Гьамидова (55 кг-дин заланвиляй) 3-чкаяр кьуна.
Винидихъ тIварар кьунвай спортсменри вирида идалай виликни чпин устадвал садрани кьведра къалурнавач. Аферин ва баркалла! Чи кьегьал рухвайрихъ идалай кьулухъ мадни еке агалкьунар хьун чи мурад я.
Рагнеда Рамалданова