Са шумуд югъ идалай вилик Санкт-Петербургда грэпплингдай (Gi ва No Gi  жуьрейрай) Россиядин кIвенкIвечивал ва чемпионат кьиле фена. Ана алай вахтунда Усуррин, ЦIийи Гъепцегьрин ва КьепIир-Къазмайрин хуьрерай тир 100-далай виниз аялриз спортдин сирер чирзавай Эйнар Экберова (кьве жуьредайни) Россиядин чемпионвилин тIварар къазанмишна.

Шад жедай кар мадни ам я хьи, грэпплингдай Россиядин кIвенкIвечивал патал акъажунра Э.Экберован гъилик вердишвилер къачузвай Мегьамед Шабанова ва алай вахтунда Санкт-Петербургда яшамиш жезвай Кемран Абдулмежидова 2007-2008-йисара дидедиз хьанвай жаванрин арада (кьведани 60 кг-дин заланвиляй) 1-чкаяр кьуна.

«Лезги газет»