25-февралдиз Дагъустандин сиясатдин уьмуьрда лишанлу вакъиа кьиле фена: республикадин Кьил Сергей Меликова Гьукуматдин къурулушда цIийивилер, дегишвилер туна. Кьилди къачуртIа, бязи министерствойрин хиве алава везифаяр тунва, РД-дин информациядин ва печатдин министерство Агентстводиз элкъуьрнава.

Гьукуматдин членрин арада цIийи ксар пайда хьанва. Бязибур къуллугърикай азадна. Са гафуналди, С.Меликова республика яшайишдин, экономикадин, медениятдин ва маса рекьерай вилик тухун патал кар алакьдай пешекаррикай ибарат цIийи десте арадал гъанва.

Чи фикирдалди, цIийи дестедин вилик хейлин месэлаяр акъвазнава. Герекди къуллугъдал гьар са кас вичин везифайрив намуслувилелди эгечIун ва къастуналди кIвалахун я.

С.Меликова къейд авурвал, цIийи десте арадал гъидайла ада министерствойри шаз кьиле тухвай кIвалахриз къимет гана. Гьавиляй бязи министрар чпин къуллугърал аламукьнава, бязибур везифайрикай азад хьанва.

ЦIийи Гьукуматдихъ цIийи агалкьунар жедайдак чна умуд кутазва.

Мегьамед Ибрагьимов