И йикъара UFC версиядай чемпион хьайи Гьабиб Нурмегьамедова нубатдин бягьс нихъ галаз тухуз кlанзаватlа малумарна. Дагъустандин машгьур спортсмендиз гила са шумуд сеферда UFC-дин чемпион, Канададай тир Жорж Сен-Пьерахъ галаз женгиниз экъечlиз кlанзава.
«Гила заз ноябрдин вацра Нью-Йоркда, «Мэдисон-сквер-гарденда» Жорж Сен-Пьерахъ галаз бягьс тухуз кlанзава», — лагьана Гьабиба, чемпионвилин бягьс тухвайдалай кьулухъ.
Идахъ галаз сад яз, Гьабиба вич Конор Макгрегорахъ ва Тони Фергюсонахъ галазни женгиниз экъечlиз гьазур тирди лагьана.
Къейд ийин, Гьабиб Нурмегьамедов Россиядин спортсменрикай сад лагьайди яз какахьай женгерин UFC версиядай чемпион хьана.
«Лезги газет»
