Лезги эдебиятдин бине эцигайбурукай тир Етим Эминан 180 йисан юбилейдин сергьятра ава Сулейман-Стальский районда «Куьредин ярар» медениятдин макандин алай йисан 1-нумра чапдай акъатна.
Цlийи нумрада Дагъустандин шаирри, писателри, алимри Етим Эминакай кхьенвай материалар кlватlнава.
Журналда шаирдин 180 йисан юбилейдиз талукь яз «Куьредин ярар» медениятдин маканди тухудай кlвалахрин планни чапнава. Къейд ийин, журналда февралдин вацра районда кьиле фейи лезги чlалан конференциядиз талукь материалризни чка ганва.
Лезги ва урус чlаларал акъатзавай журналдин нубатдин нумрада аялриз талукь материалар ва инсандин сагъламвал хуьниз талукь хийирлу теклифарни ганва.
«Лезги газет»
