14-январдиз Махачкъалада Урусатдин Прокуратурадин 300 йис тамам хьуниз талу­кьарнавай чIехи мярекат кьиле фена. Ана Да­гъустандин Кьил Сергей Меликовани ­иштиракна.

Къанун-къайда хуьнал гуьзчивал тухузвай къурулушдин юбилейдиз талукьарнавай межлисдин сергьятра аваз республикадин регьберди прокуратурадин органрин са жерге пенсионеррив государстводин шабагьар вахкана.

Кьилди къачуртIа, чи машгьур ватанэгьли, РД-дин Халкьдин Собранидин депутат Имам Яралиев “Дагъустан Республикадин ви­лик лайихлувилерай” ордендиз лайихлу хьана. РикIел хкин, И.Яралиева 1995-2006-йисара республикадин прокурор яз кIва­лахна. Гуьгъуьнлай ада СтIал Сулейманан райондиз ва Дербент шегьердиз регьбервал ганай.

Шабагьриз лайихлу хьайибурун арада гьакIни Изет Гьажиев (“Дагъустан Республикадин вилик лайихлувилерай” орден), Али Сагьратулаев ва Рамазан Шанавазов (РД-дин Гьуьрметдин грамота), Тажутдин Бижамовни Усман Мурадов (Амет-Хан Султанан тIварунихъ галай медаль) ава.

Агьмед Магьмудов