РД-дин Халкьдин Собранидин депутат Марат Алияров Каспийск шегьерда авай аялрин махсус коррекциядин кlвализ фена. Идалай вилик етимханада авай аялриз хуьруьн майишатдин кlвалахдин рекьяй тежриба хьунин макьсаддалди къаюмвилин куьмек авунай. Етимханадин патав теплицаяр ва хуьруьн майишатдин продуктар гьасилун патал участокар къайдадик кутунай. 

Депутатди идарадин директор Нариман Вагьабовахъ галаз етимханадин помещенийриз ва участокриз килигна. Материалдин куьмек авунай директорди депутатдиз сагърай лагьана.

«Лезги газет»