31-мартдиз Сулейман-Стальский райондин Сардархуьре дзюдодай Дагъустан Республикадин кlвенкlвечивал патал 2002-2004-йисара дидедиз хьайи жегьилрин арада кьиле фейи акъажунра Мегьарамдхуьруьн райондин спортсменрини иштиракна ва агалкьунарни къазанмишна. И гьакъиндай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.

Акъажунра иштиракун патал республикадин шегьеррай, районрай спортсменар атанвай. Нетижада Мегьарамдхуьруьн райондин 12 спортсменди приздин чкаяр кьуна.

Сад лагьай чка кьве дзюдоистди кьуна:

— Амир Мегьамедкеримов, заланвилин дережа 33кг, тренер Омар Шагьмарданов (Буткъазмайрин спортшкола);

— Келем Ибрагьимов, заланвилин дережа 42 кг, тренер Султанмурад Салманов (Самурдин ДЮСШ).

Кьвед лагьай чка кьуд спортсменди чпин арада пайна, пуд лагьай чка ругуд спортсмендиз хьана.

 

«Лезги газет»