Квез чидани?
Виридалайни чlехи гьайванар тир филер, яван хьанвай чилер гадариз, гагь-гагь маса чкайриз куьч жеда. И вахтунда абуру чпин рекьел гьалтай вири затlар барбатlзава, фермеррин майишатарни, кlур гана, тахьай мисалзава. Фермаяр бейхабардиз тергзавай еке гьайванрикай хуьн патал Африкадин лежберар фадлай са чара жагъурунихъ къекъвезвай.
Итижлу кар ам я хьи, чlехи зиянкарар, кичlерар гана кхунарун патал кьабулзавай серенжемрикай сад чlижерихъ галаз алакъалу я. Абурухъай филериз гзаф кичlеда кьван. Филерин хам яцlуди, амма бязи чкаяр кьелечl ва хъуьтуьл я. Кьилди къачуртlа, руфун, хуртlумдин винелай аквазвай къенепад ва маса чкаяр чlижерин кlасуниз дурум гуз тежедай кьван зайифзава. Малум тирвал, гьужум авунин жигьетдай Африкадин чlижер Европадинбурулай гзаф гужлу я. Абурувай са километрдин мензилда “душман” хурук кутаз ва адаз азабар гуз жезва.
Гьазурайди — Куругъли Ферзалиев
