“Лезги газет” — гьар са кIвализ” серенжем малумарнавайдакай хабар хьайила, мад са кьегьалди и кардик вичин пай кутуна: Краснодар шегьерда яшамиш жезвай карчи, блогер Заур Рафидинович Балакишиева.
З.Балакишиев КцIар райондин Вурварин хуьряй я. Хайи чIалахъ, чилихъ рикI кузвай кьегьал хци Краснодардин крайда кьиле физвай лезги мярекатрани активвилелди иштиракзава, абур тешкилуник кьил кутазва. Мисал яз, алатай йисуз ана яшамиш жезвай са жерге ватанэгьлийри “Шарвили” эпосдиз талукь сувар хъсан дережада аваз кьиле тухванай.
“Лезги газетдин” серенжемдик вичин пай кутуналди, З.Балакишиева редакциядив 23 агъзур манат пул агакьарнава. И такьатрихъ Махачкъала шегьердин мектебра кIелзавай лезги аялриз “Дагпечатдин” киоскрай 50 газет кхьидайвал я. Къейд ийиз кIанзава, Заур Балакишиева алатай йисузни газет кхьинин серенжемда иштиракнай.
Чна лезги чIалал акъатзавай газетдин тираж артух хьуник пай кутунай Заур Рафидиновичаз сагърай лугьузва!
«Лезги газет»
