Швейцариядикай бязи делилар
— Швейцариядин официальный тIвар «Швейцарская Конфедерация» я. Конфедеративный уьлквеяр мад дуьньяда авач.
— Вири Швейцариядилай Москва шегьерда гзаф инсанар яшамиш жезва.
— Ина официальный чIалар кьуд ава. Чкадин агьалийри немс, френг, ва итальян чIалар ишлемишзава. Гзафбуруз ингилис чIални чизва.
— Берн шегьер кьилинди яз гьисабзаватIани, Швейцариядиз официальный меркез авач.
— И уьлкве дуьньяда виридалайни тIимил тахсиркарвилер жезвайбурукай сад я.
— Швейцариядин кIвалерал нумраяр алач. Абурун чкадал агьалийрин фамилияр кхьенва.
— Швейцарияда умуми майдандин пудай кьве пай дагълари кьунва. Им Европада виридалайни гзаф дагълар авай уьлкве яз гьисабзава.
— Ина аялар 4 йис тамам хьайила мектебдиз физва. Гьафтеда 4 юкъуз кIелзава.
— Лозанна шегьерда авай чилин винел алай метродин поездри машинистар галачиз кIвалахзава.
— Швейцарияда яшамиш жезвай агьалийрин кьудай са пай къецепатан уьлквейрай атанвайбур я.
— Маса уьлквейриз ракъурзавай метягьрикай сад лагьай чкадал шоколад ала.
— Эгер дяве хьайитIа, и уьлкведа инсанар чуьнуьх жедай бункерар гзаф ава.
— Швейцарияда кьетIен ихтияр къачун тавунмаз тар атIун къадагъа я — жерме ийида.
«Лезги газет»
