22-24-октябрдиз Дербент шегьерда “ЧIехи бубайрин ирс” лишандик кваз жегьилрин тарихдинни ватанпересвилин регионрин уртах форум кьиле фида. Мярекат РФ-дин миллетрин крарин рекьяй кардик квай федеральный Агентстводин, милли алакъайрин рекьяй РФ-дин Президентдин патав кардик квай Советдин, “Урусатдин халкьарин кIвал” ФГБУ-дин ва РД-дин милли сиясатдин ва динрин крарин рекьяй министерстводин куьмекдалди лезгийрин федеральный милли медениятдин автономияди (ФЛНКА) тешкилзава.
Тешкилатчийри къейдзавайвал, форумда машгьур алимри, уьлкведин тарихдин жемиятдин векилри, политологри, экспертри ва масабуру иштиракда. 3 юкъуз давам жедай мярекатдин сергьятра аваз алимрин лекцияр, тренингар, элкъвей столар, гуьруьшар, сиягьатар тешкилда.
Къейдна кIанда, форумда иштиракун патал махсус ссылкадин (ам ФЛНКА-дин, “Лезги газетдин” сайтра ава) куьмекдалди заявка ацIурна кIанзава. Регистрация 15-октябрдалди давам жеда. Санлай къачурла, мярекатдин иштиракчийрин кьадар, тешкилатчийрин гафаралди, 200-лай алатда.
«Лезги газет»
