ВетIерикай итижлу делилар
— Гьашаратар ерли авачир Антарктидадилай гъейри, амай вири чкайра ветIер яшамиш жезва.
— Зегьемлу уьлквейра ветIер пис азарар санай масаниз тухудай зиянкарар я, инсанар авай чкайриз абуру гьатта кьиникьал гъидай къиздирмадин жуьрени тухун мумкин я. Гьавиляй чими уьлквейра и гьашаратри къурхулувал арадал гъизва.
— Алай вахтунда ветIерин жуьреяр 3600 кьван аваз гьисабзава. “Карамор” тIвар алай ветIерин жуьре виридалайни екеди я. Абурун яргъивал 10 сантиметрдикай ибарат хьун мумкин я.
— Адетдин ветIерин бедендин яргъивилел 12 миллиметр жеда.
— 12 градусдилай тIимил чими гьавада ветIери лув гудач — абур патал ихьтин гьава мекьиди я.
— Чеб арадал атай чкадивай ветIер тек-туьк дуьшуьшра яргъариз (са шумуд километрдин) акъатда.
— ВетIериз сарар ава.
— Эркек ветIер 2 гьафтедилай артух яшамиш жезвач, гьа са вахтунда диши ветIер вацралайни гзаф вахтунда яшамиш хьун мумкин я.
— ВетIери неинки инсанар, гьакI гьайванарни инжиклу ийизва.
— Сингапурда ветIер михьиз тергиз алакьнава.
— ВетIери гзафни-гзаф гьекь алай инсанар кIасда.
— Бязи къушари ва хур галчIуриз фидай гьайванри нен тийизвайтIа, ветIерин кьадар мадни гзаф жедай.
— ВетIерин бязи жуьреяр хъуьтIуьн береда муркIадин яцIара амукьзава ва, бедендиз са зарарни тахьана, гатфарихъ авагъна, анай эхкъечIзава.
— Са бязи чешмейри тестикьарзавайвал, иви хъвазвай ветIер анжах дишибур я. Эркекбуру анжах набататрин мижеяр ишлемишзава.
— Эгер гатун парталар алаз инсан тайгада ва я тундрада ветIерин гьужумдик акатайтIа, са шумуд сятдин къене инсандин ивидин са пай квахьун ва ам кьиникьал атун мумкин я.
«Лезги газет»
