Лезги халкьдин кьегьал хва, Къурушрин хуьряй тир генерал-майор Шамил Загьрабович Аслановаз:

Къурушрин хуьряй акъатай кьегьал,

Вири халкьдиз къе  машгьур хьанва вун.

Четинвилериз муьтIуьгъ  тахьай хва

Ватандин дамах,  абур хьанва вун.

 

Гьар са камуна  къуллугъдин рекье

Жуьрэтлувилер  къалурна вуна.

Дагъвидин къилих, ягь кьуна вине,

Несилриз чешне  гьазурна вуна.

 

Сагъламвал — мягькем, руьгь хьурай кIубан,

Уьмуьр сувар хьиз  давам хьурай ви!

Са легьзедани тахьуй вун пашман,

Дережаяр мад кьакьан  хьурай ви!

Ваз 80 йисан юбилей мубаракзавай

мукьва-кьилияр, ярар-дустар.

_________________________________________________________________________________

Давамариз бубайрин рехъ

Уьтквемвилер къалурай  хва.

Агалкьунар мадни хьуй квехъ,

Куьн чи дамах, куьн чи арха!

 

Ватан кIеве гьатай  чIавуз,

Квекай регьбер,  сердер хьана.

Женгера хьанач ажуз,

Боевикрин сенгер хана.

 

Гьикьван четин хьанатIани,

Дагъустан мад  гъалиб хьана.

Генералдин чинда аваз

Куьн гьуьрметрин  сагьиб хьана.

 

Мубаракрай хайи югъ квез,

Руьгьдиз жегьил,  кIубан хьурай!

Уьмуьр фирай шаддиз, хъуьрез,

Гьар са легьзе масан  хьурай!

Квез юбилей мубаракзавай ва рикIин  

сидкьидай гьуьрметзавай Къурушрин хуьруьн муаллим

Гьажи Къазиев