13-мартдиз Сулейман-Стальский райондин И.Тагьирован тlварунихъ галай медениятдин дараматдин залда образованидин тешкилатра кlелзавай аялрин арада Вирироссиядин жегьил кlелдайбурун «Чан алай классика» конкурсдин райондин пай кьиле фена.

Конкурсдин муниципальный паюна райондин 13 мектебдин 5-11-классра кlелзавай аялри иштиракна.

Конкурсдин нетижада жюридин дестеди гъалибчияр малумарна: Кьасумхуьруьн 1-нумрадин СОШ-да кlелзавайбур тир Жаварият Устаева (198 балл), Диаля Магьмудова (196 балл) ва М.Дибирован тlварунихъ галай Герейханов хуьруьн 2-нумрадин СОШ-да кlелзавай Сабрина Насрулаева (194 балл).

Гъалибчийриз дипломар ва къаюмдин патай савкьатар гуда. Идалайни гъейри, абуру конкурсдин республикадин паюнани иштиракда.

«Лезги газет»