Токиода кьиле физвай гатун спортдин къугъунра Россиядин командади гьелелиг 5-чка кьунва. Ибур 4-августдин нисинихъ малум хьанвай нетижаяр я.
“ТАСС” чешмеди къейдзавайвал, исятда Россиядин спортсменри къизилдин 14, гимишдин 21, буьруьнждин 18 медалар къазанмишнава.
Сад лагьай чкадал китайвияр ала, кьвед лагьайдал — америкавияр, пуд лагьайдал — японвияр, кьуд лагьай чкадал — австралиявияр.
Къейд ийин, алай вахтунда Япониядин меркезда давам жезвай олимпиада алатай йисуз кьиле фин лазим тир, амма коронавирусдин тIугъвал себеб яз шаз ам акъвазарна. Акъажунар 8-августдиз акьалтIда.
«Лезги газет»
