6-мартдиз «Дербент шегьер» шегьердин округдин кьил Малик Баглиев диндин къуллугъчийрихъ галаз гуьруьшмиш хьана. Мярекатда шегьердин кьилин заместитель Жалалутдин Алирзаева, РД-дин муфтийдин заместитель Агьмад Кахаева, Кьиблепатан территориальный округда РД-дин Муфтиятдин патай тамам ихтиярар авай векил Адиль Ибрагьимова, РД-дин Муфтиятдин Дербентда авай марифатдин отделдин регьбер Агьмад Гьарунова иштиракна.
Малик Баглиева яшайишдинни экономикадин рекьяй шегьер йигин еришралди вилик физвайдакай ва федеральный программаяр уьмуьрдиз куьчуьрмишунин сергьятра аваз хьанвай дегишвилерикай ихтилатна.
Агьмад Кахаева гуьруьшдин иштиракчийриз мукьвара вич Сириядиз фейидакай, экстремизмдихъни терроризмдихъ галаз акси женг тухунин карда Муфтиятди жегьил инсанрихъ галаз тухузвай кlвалахдикай ихтилатна.
Веревирдерин вахтунда мешверадин иштиракчийри акьалтзавай несилри чпелай чешне къачудай, и ва я маса хиле чпихъ агалкьунар хьанвай дагъустанвийрикай телевиденида, радиода программаяр кардик кутунин гьакъиндайни месэла къарагъарна.
Эхирдай М.Баглиева кlватl хьанвайбуруз 18-мартдиз кьиле фидай сечкийра активдаказ иштиракуниз эвер гана.
«Лезги газет»