Дагъустандин Гьукуматдин Председатель Абдулпатагь Амирханова Дербентдин администрацияда “Дербент 2025-йисалди комплекснидаказ вилик тухунин серенжемрин пландиз” талукь совещание кьиле тухвана. Ам муниципалитетди ва субъектдин исполнительный властдин органри РФ-дин Гьукуматдин буйругъдиз талукь теклифар гьазуруниз талукьарнавайди тир.
Къейдна хьи, комплекснидаказ вилик тухунин планда кьилин фикир шегьерда алай аямдин тамам къурулуш туькIуьрунин серенжемриз гана. И кар кьилиз акъудун патал алава пулар ва федеральный бюджетдин иштираквал герек жезва. Гьа гьисабдай яз Дербентда канализациядин ятар михьи ийидай дараматар эцигун патални.
РикIел хкин, РФ-дин Гьукуматдин Председатель Михаил Мишустина, апрелдиз Дербентда кIвалахдин рекьяй мугьманвиле авайла, федеральный министерствойрал “Дербент 2025-йисалди комплекснидаказ вилик тухунин серенжемрин план” тестикьарунин гьакъиндай къарардин проект рекье тун тапшурмишна, и кIвалахар кьилиз акъудун патал бюджетдин ва бюджетдинбур тушир такьатралди финансламишдай чешмеярни тайинаруналди. И кIвалах 1-августдиз куьтягьун лазим я.
Месэла гьялунин карда РД-дин Кьилин ва Гьукуматдин Администрациядин руководителдин заместитель Арслан Сайпулаева, РД-дин экономикадин ва территорияр вилик тухунин рекьяй министр Руслан Алиева, Дербентдин кьил Рустамбег Пирмегьамедова, администрациядин къурулушрин са бязи руководителри иштиракна.
«Лезги газет»
