4-5-мартдиз Къаякент райондин Первомайский хуьре Дагъустан республикадин кlвенкlвечивал патал спортдин пауэрлифтингдай умуми образованидин тешкилатра ва ДЮСШ-да чирвилер къачузвай жегьилрин арада акъажунар кьиле фена.

Акъажунар РД-да спортдин пауэрлифтинг жуьре вилик тухунин, спортдин жигьетдай сухтайрин устадвал хкажунин ва образованидин идарайра спортдин адетар мягькемарунин макьсаддалди кьиле тухвана.

Санлай къачурла, тlвар кьунвай акъажунра республикадин спортсменрин ругуд дестеди, гьабурун жергедай яз, Кьурагьрин 1 ва 2-нумрайрин СОШ-рин сухтайрини иштиракна.

Акъажунрин нетижада кьуд кьурагьвиди чпин алакьунар къалурна: Юсупов Азиза (заланвал 59 кг) 1-чка кьуна; Меликов Багьадина (заланвал 63 кг) ва Гьасанов Мегьамеда (заланвал 73 кг) 2-чка кьуна; Гьасанов Гьасана (заланвал 53) 3-чка кьуна.

Гъалибчияр ва хъсан чкаяр кьурбур РД-дин образованидинни илимдин министерстводин патай кубокралди, медалралди ва грамотайралди къейдна.

Куругъли Ферзалиев