Алай девирда, телефондин трубка гвачиз хьайитIа, кIеве гьатзава. Инсанриз адакай зарар авайди чизватIани, вирида телефонар ишлемишзава. Зунни абурун жергедай я. КIвалахдал регьятвал хьун патал за ам гьатта жувал алай халатдин жибинда хуьзва.
Зун экуьнилай няналди, галатун тийижиз, кIвалахиз вердиш бенде я. Нисинилай кьулухъ министерстводиз физва. Къе рикIелай алатна, трубка аялар хадай кIвале халатдин жибинда туна, кьвед лагьай кIвалахал атун хьана. Гьаниз килигна, жуван жегьил юлдашдивай, кIвализ хкведайла, трубка зав ахгакьарун тIалабна.
Са гъвечIи герендилай а жегьил зи кабинетда авай. Чинал мили хъвер алаз, “Гьуьрметлу А.М., мад ихьтин гъалатIар ахъаймир”, — лагьана, трубка зав вахкана…
Чун кьведни экуьнахъ фад кIвалахал физвай духтурар я. Пака зун чи идарадин варарив агакьайла, зи юлдаш вичин машинда авай. Зун акурла, тадиз эвичIна, зи патав атана, машиндин шуьше агъузна, чина тахсирлувилин лишан аваз, вич кIвализ хъфена кIанзавайдакай хабар гана.
— Трубка кIвале туна атун хьанва. Ам гвачиз, квез чида хьи, завай ни туды, ни сюды. Накь квек тахсир кутуна, къе жув гьа фуруз аватна…
Азедин Эсетов,
Дагъустандин халкьдин духтур
