Махачкъаладин Гуманитарно-педагогический колледждин муаллим Саида Шейхова вири халкьарин «Педагогикадин сергьятар» тlвар алай  конкурсдин лауреат хьана.

«Дагъустан» РИА-ди хабар гузвайвал, конкурсдин иштиракчийри тестерин тапшуругъриз жавабар гун лазим тир. Тестерин кlвалахдин нетижада лап хъсан муаллимар тайин хьана. Саида Шейховади 100 балл къазанмишна ва ам гъалибчидин Дипломдиз лайихлу хьана.

С.Шейховади къейдзавайвал, ихьтин конкурсри жувахъ авай теоретический чирвилер мягькемардай хъсан мумкинвал гузва.

Къейд ийин, «Педагогикадин сергьятар» конкурс «Педразвитие» тlвар алай Вирироссиядин образованидин изданиди тешкилна. Адан макьсад бажарагълубур винел акъудун ва абуруз куьмек гун я.

Куругъли Ферзалиев