Квез чидани?
Дуьньядин винел цин кIаник акатнавай къадим тарих авай шегьерар гзаф ава. Абурукай сад Гераклион я. 2000 йис идалай вилик Александриядивай 25 километрдин яргъа авай и шегьер Египетдиз гьахьзавай варар яз гьисабзавай. Алай вахтунда и гуьрчег шегьер цик акатнава.
Сифте яз и шегьердин амукьаяр 2000-2001-йисара машгьур алим Фрэнк Годдио кьиле авай археологрин дестедиз жагъанай. Гераклион чи эрадал къведалди I асирда кьиле фейи зурба залзаладин нетижада мидаим яз цик акатна.
Къейд ийин хьи, шегьер цин кIаник кваз са шумуд асир ятIани, тарихдин метлеб авай вири гуьмбетар хъсан гьалда амай. Гериклиондай жагъай затIари археологар мягьтеларна. Абурун арада къизилдин япагьанар, зунжурар, цамар, кубокар, вишералди манатар, грек чIалал атIанвай кхьинар алай зурба имаратрин дестекар, 300-лай артух статуэткаяр, гимияр ва маса затIар ава.
Франко Годдиодин фикирдалди, шегьер цик акатнавай мулкара тарихдин метлеб авай гзаф гуьмбетар ава. Абур ахтармишун патал агъа кIан 200 йис кьван герек жеда.
Гьазурайди — Агьмед Магьмудов
