Мегьарамдхуьруьн райондин администрациядин пресс-къуллугъди хабар гузвайвал, районда коронавирусдиз акси рапар ягъиз кIанзавайбурун кьадар къвердавай гзаф жезва.
Къейд ийин хьи, раб ашкъи авай гьар са касдивай пулсуздаказ ягъиз жеда. Агьалияр Мегьарамдхуьруьн райондин кьилин духтурханада ахъайнавай рапар ядай махсус пунктуна кьабулзава.
Лагьана кIанда, эхиримжи пуд гьафтедин къене муниципалитетда коронавирусдиз акси рапар янавайбурун кьадар 140-дав агакьнава.
Республикадин здравоохраненидин министерстводи 10-мартдиз раижнавай делилралди, Дагъустанда, санлай къачурла, 17231 касди коронавирусдиз акси рапар янава.
«Лезги газет»
