Хасавюрт райондин Къурушрин хуьруьн 1-нумрадин юкьван мектебда лезги чIалаз талукьарнавай мярекат кьиле фена.

Ана мектебдин завуч Рубабе Акбаровади, хуьруьн агъсакъалрин советдин председатель Вердихан Вердиханова, общественник Эмирхан Эмирова, Г.Рамазановадин тIварунихъ галай фондунин векил Марлент Къулиева, хуьруьн имам Азим Панагьова, шаир Шагьназар Хидирова ва масабуру иштиракна.

Мярекатдин сергьятра аваз рахайбуру лезги чIал хуьниз ва вилик тухуниз талукь месэлайрикай чпин фикирар лагьана. Мектебра дидед чIалай бес кьадар ктабар тахьуни, акьалтзавай несилри хайи чIалаз кьетIен фикир тагуни, и кар диде-бубайри чпин гуьзчивилик кутун тавуни чIал вилик финиз манийвал гузвайди къейдна.

Гьажи  Къазиев