Дагъустандин зегьметдин ва социальный рекьяй вилик финин министерстводин агьалияр социальный рекьяй хуьдай идарайри пособияр гунин кIвалах цIийи кьилелай туьхкIуьр хъувунва ва абур гунив эгечIнава.
Государстводин пособияр къачузвайбурун патай арзаяр гзаф хьунихъ галаз алакъалу яз, РД-дин зегьметдин ва социальный рекьяй вилик тухунин министерстводи хабар гузва хьи, 3 йисалай 7 йисни кваз яшда авай аялриз пулдин такьатар, аялдихъ гелкъуьнай гьар вацра гузвай пособие ва 2021-йисан январь-февраль варцара хайи аялриз са сеферда гудай пособие гун патал приказар гьазурнава. Аялар авай хизанриз пособияр мукьвара гуз башламишда.
Къейд ийин хьи, алай вахтунда государстводин вири идарайри — муниципальный районрин ва шегьеррин округра авай агьалияр социальный рекьяй хуьдай управленийри кьетIен режимда аваз кIвалахзава.
«Лезги газет»
