“Лезги газетдин” редакцияди 2018-йисалай гатIунна гьар йисуз мектебра кIелзавай аялрин арада лезги чIалай олимпиада кьиле тухузва. 2019-йисалай инихъ чIал хуьнин ва вилик тухунин макьсад авай и серенжем Махачкъала шегьерда тешкилзава.
Кьуд лагьай сеферда и олимпиада алай йисан 18-февралдиз республикадин меркездин 10-нумрадин юкьван мектебда 6-классра кIелзавай аялрин арада тухуда. Ана Махачкъаладин ва Каспийскдин мектебра лезги чIал чирзавай аялри иштиракда. Дидед чIалан Международный йикъан сергьятра аваз тешкилзавай и мярекат “Лезги газетдин” 100 йисан юбилейдиз бахшзава.
Олимпиададин тапшуругърик тест-диктант ва чIалазни эдебиятдиз талукь тестерин къайдадин суалар ква. КIвалахриз баллрин куьмекдалди къимет гуда.
Вилик йисара хьиз, цIини кIвенкIвечи чкаяр (1, 2, 3) кьурбуруз дипломар, пулдин премияр ва ктабар пишкешда.
Олимпиадада иштиракунин патахъай суалар хьайитIа, телефондин 8-928-584-16-72 нумрадиз зенг ийиз жеда.
«Лезги газет»
