Газдин сетрик цIийиз экечIнавай муьштерийриз лицевой счетар пулсуздаказ ачухзавайди я. Идан гьакъиндай “Газпром межрегионгаз Махачкала” ООО-ди кIевелай тагькимарзава:
“Гьуьрметлу Дагъустан республикадин агьалияр! “Газпром межрегионгаз Махачкала” ООО-дин абонентвилин къуллугърин къуллугъчийри абонентриз лицевой цIийи счетар ачухунин карда гьерекатар тавунин, къайгъусузвилиз рехъ гунин гьакъиндай газдин сетрик цIийиз экечIнавай муьштерийрилай гзаф кьадарда аваз арзаяр агакьун себеб яз, ихьтин дуьшуьшрал гьалтай вири ксаривай “Газпром межрегионгаз Махачкала” ООО-дин руководстводин тIварцIел кхьена электронный info@dagrgk.ru адресдиз арза рекье тун, ва я ришветбазвилин, луту-путувилин, я тахьайтIа жемиятдин аксина ийизвай маса тахсиркарвилерин вилик пад кьун патал кардик кутунвай “Кузвай линиядин” нумрадиз — ( 8-800-100-59-90 (зенг пулсузди я) — зенг авуна, хабар гун тIалабзава.
ЦIийи абонентриз лицевой счетар ачухунин карда къуллугъдин везифаяр лазим къайдада тамамар тийизвай къуллугъчийрин аксина, кардик квай закондин бинедаллаз, талукь тир серенжемар кьабулда”.
ЦIийи абонентриз идаради ишлемишнавай газдин гьакъи яргъал мензилда аваз гун: телефонра ачухиз жезвай “Зи газ” ва я “Сбербанк-онлайн” приложенияр ишлемишун теклифзава. ГьакIни газдин пул суткадин гьи вахтунда хьайитIани (комиссия галачиз) банкунин картадин куьмекдалди гуз, газдин счетчикдин делилар компаниядин www.mkala-mrg.ru сайтдин куьмекдалди агакьариз жеда.
ТIебии газдалди таъминарунихъ галаз алакъалу вири месэлайриз талукь яз “Газпром межрегионгаз Махачкала” ООО-дин Call-центрадиз — ( 8-800-200-98-04 — зенг авуртIа жеда.
«Лезги газет»
