15-сентябрдиз Ахцегь райондин Гъуьгъвезрин хуьре Нариман Газалиеван призар патал армрестлингдай “Битва чемпионов” тIвар алаз турнир кьиле фена. Идакай “Лезги газетдиз” райадминистрациядин пресс-къуллугъдай хабар гана.
Акъажунар, сифте гаф рахуналди, турнирдин кьилин судья Исамедин Шагьэмирова ачухна. Бягьсер башламишдалди райондин культурадин Управленидин къуллугъчияр тир Мадрид Бегеева ва Фаргьад Гашумова кIватI хьанвайбурун гуьгьуьлар шадарна.
Турнирда Кьиблепатан Дагъустандин вири районрай виридалайни викIегь (иниз спортдин мастервиле кандидатдилай агъуз дережа авайбур ахъайнач) армрестлерар кIватI хьанвай. Къизгъин бягьсерин нетижада 1-чкадиз Ахцегь райондай тир Эльдар Алискендаров лайихлу хьана. 2 ва 3-чкаяр Сулейман-Стальский райондай тир Рамидин Къазимегьамедова ва Гьажи Керимова кьуна.
«Лезги газет»
