РФ-дин талукь ведомствойри ва Роспотребнадзорди малумарайвал, эгер уьлкведа, тIугъвалдин инфекция себеб яз, гьалар мадни чIур хьайитIа, школайра тарсар дистанционный режимда кьиле тухудайвал жеда. Идан гьакъиндай чарар винидихъ тIвар кьунвай идарайри регионрин кьилериз рахкурнава.

Идахъ галаз сад хьиз, федеральный гьукумди школайриз онлайн жуьреда факультативный тарсар тухун, эгер гьа ихьтин шартIар аватIа, са бязи предметрайни гьа жуьреда тарсар тухун теклифзава.

Чарче къейд авунвайвал, регионрин кьилера авайбуруз 1-сентябрдиз школайра адетдин линейкаяр, анжах вири школадиз санал ваъ, кьилди-кьилди классриз тухудай ихтияр ганва. Диде-бубайри чарасуз маскаярни алукIунин патахъай тагькимарнава.

Документда мадни са важиблу кар къейднава: школайра дезинфекциядин серенжемар артухарун, школадиз къвезвай вири ксар, ифин алани, алачни, ахтармишун, мекьивилелай жезвай азарар кватIа чирун.

Чи мухбир