Гафарин алемдай
Къейднавай гафар кьериз-цIаруз гьалтзавайбур я. БатIрияр гаф заз Дагъустандин халкьдин шаир М.Бабаханован “Дустарикай кьве шиир” эсерда акуна: “Къе чна илигда кфилдал, Къе чна кукIварда батIрияр”. БатIрияр “тапочки” гафунин лезги таржума я. Бязибуру куьгьне хьанвай кIвачин къапаризни батIрияр лугьуда.
Къенин несилриз ван текъвезвай гафарикай сад безирган я. Ам зал СтIал Сулейманан, Гьаким Къурбанан, Муграгъ Салахъан, Бажиханум Исаевадин эсерра дуьшуьш хьана. Безирган савдагар, алверчи лагьай чIал я. Эхиримжи вахтара и гаф “базарган” кIалубда аваз ишлемишзавай чкаярни гьалтзава.
К.Ферзалиев
