Вагьши тIебиатдикай гьазурнавай документальный фильмайрин кьадар гзаф ятIани, чун паталди планетадин гьайванрин алемдин хейлин кьетIенвилер сир яз амукьзава. «Квез чидани?» рубрикадик кваз гузвай и макъалада чна квез са жерге вагьши гьайванриз хас надир ва итижлу ерийрикай суьгьбетда.

— Дуьньядин винел хушраканрин 70 агъзур ва нетIерин 3 агъзур жуьре ала.

— Страус виридалайни фад катдай къуш яз гьисабзава. Адан йигинвал са сятда 70 километрдиз барабар я.

— Девейри чпик анжах хъел кутурла цуькIуьн вегьеда.

— Вагьши къушарин 75 процентдин уьмуьрдин яргъивал йисни зур я.

— Чилин винел алай гьайванрикай виридалайни чIехи рикI жирафдихъ ава, абурун мецин яргъивал лагьайтIа, 45 сантиметрдив агакьзава.

— Дельфинрихъ тIварар гудай адет ава. Алимри тестикьарнавайвал, дельфинри чпи-чпиз тIварар уьфт ягъунин къайдада гузва. Абурун арада уьфтуьнин гьар са дельфиндиз хас кьилдин къайда ава.

— Акулайриз дельфинрихъай кичIеда.

— Кукварин жендекда инсандин жендекдилай артух жакIумар ава.

— Яд хъун тавуна виридалайни геждалди цимил кьифери дурум гузва.

— Дикобраздин шарагдивай дуьньядиз атана са сят алатайдалай кьулухъ тарариз акьахиз жеда.

— ЦIару нуькIре (синица) 48 сятдин къене вичин шарагриз агъзур сефердилай тIимил тушиз ем гузва.

— Акулайри, чпин къурбандрал гьужумдайла, абуру хасаратвилер тагун патал, вилер акьалзава.

— Мурдарривай са затIни тIуьн тавуна 3 йисуз ксуз жеда.

— Крокодилри цин дерин къатариз сирнавун патал къванер туькьуьнзава.

— Пеленгдин кикерин яргъивилел 10 сантиметр ала.

Чи корр.