Мукьвара вири лезги халкьдик руьгь кутур вакъиа кьиле фена: Кьурагь райондин КьепIиррин хуьряй тир, алай вахтунда Минск шегьерда яшамиш жезвай Селим Сефербегова дуьньядин программистрин арада тешкилай “Facebook Deepfake Detection Challenge” (DFDC) конкурсда 1-чка кьуна.
Конкурсдин иштиракчийри нейросеть (Deepfake) себеб яз пайда жезвай гьакъикъатдихъ галаз кьан тийизвай видеояр винел акъуддай махсус алгоритм арадал гъана кIанзавай.
Санлай къачурла, дуьньядин дережада аваз кьиле фейи мярекатда жуьреба-жуьре уьлквейрай 2265 программистди иштиракна. Приздин фондуни 1 миллион доллар тешкилзавай. 1-чка кьурдаз — 500, 2-чка — 300, 3-чка — 100, 4-чка — 60, 5-чка 40 агъзур миллион доллар гузвай.
Нетижада 1-чкадиз чи ватанэгьли Селим Сефербегов лайихлу хьана.
“Лезги газетдин” редакциядин коллективди Селимаз и чIехи агалкьун рикIин сидкьидай мубаракзава.
«Лезги газет»
