Инсандин беден патал жуьреба-жуьре нийрихъни еке метлеб ава. Месела, Японияда, муракаб тадаракар гьазурдайла, махсусдаказ лимондин ва я жасминдин бугъада твада. Абурун хуш ни агалтнавай тадаракри кIвалахзавай инсанриз чпин фикир-дикъет санал кIватIиз куьмекзава.
* * *
Бедендиз, гьар юкъуз фу-яд, хуьрек хьиз, михьи гьавадал къекъуьн — гьерекат авунни герек я. Гьерекат — им уьмуьр я гьавайда лугьузвайди туш. Къекъуьн, гьерекат авачирла, инсандин хам, жукIумар фад “кьуьзуь” жеда, яни шуьткьведа, агаж жеда. Отпускдин вахтунда кьецIил кIвачеривди пляждал ифенвай къумадал ва я тама къекъвейтIа, сагъламвилиз хийирлу яз гьисабзава.
Амма пляждал сятералди хьана виже къведач. И карди сагъламвилиз, иервилиз писдаказ таъсир авун мумкин я. Кьилинди, хамуни азаддаказ, ачухдаказ “нефс къачурай”, адал сагълам, иер ранг атурай.
Дуьньядин ирид аламат
Къейдзавайвал, абурук катзава:
— Гизада авай Египетдин пирамидаяр (чи эрадал къведалди 2700 -1780-йисар);
— Вавилонда Семирамидадин куьрс хьанвай багълар (чи эрадал къведалди 605-562-йисар);
— Эфесда авай Артемидадин ибадатхана (чи эрадалди VI лагьай асир);
— Олимпияда Зевсан лап зурба статуя (чи эрадалди 430-йис);
— Малый Азияда Галикарнасдин мавзолей (чи эрадалди IV асирдин юкьвар);
— Колосс Родосский (Ракъинин — Гелиосдин 37 метрдин кьакьанвал авай, буьруьнждикай авунвай кIалуб (фигура) чи эрадалди 285-йисар);
— Александриядин портуна авай, 143 метр кьван кьакьан Фаросский маяк (чи эрадал къведалди 279-йисуз туькIуьрна куьтягьна).
Гила абурал Крымдиз фидай цIийи муьгъни алава хъхьанва.
Гьазурайди — Ш.Шихмурадов
