Дагъустандин Россельхознадзорди чIижер азар­рикай хуьниз, куьнуьяр ахтармишуниз талукь гатфарин серенжемар кьабулунин чарасузвилин гьакъиндай ­куьнуьчийрин рикIел хкизва, хабар гузва “Дагъустан” РИА-ди.

“ХъуьтIуьн муддатди гьашаратрин иммунитет зайифарзава ва абурал мукьвал-мукьвал жуьреба-жуьре хенцIери гьужум авуникди чIижер варроатоз, акарапидоз ва маса азарри акIажу­рунин хаталувал ава. Вилик пад кьунин серенжем кьабулуни ха­талу азарар вахтунда винел акъуддай, паразитрикай азад ийидай мумкинвал гуда”, — къейднава малуматда.

ЧIижерин гьакъиндай дуьздаказ къайгъударвал та­вуртIа, абурук амебиаз, нозематоз, аскосфероз акатун мумкин я. Абур сагъар хъувун патал чIижерхъанри азарлу чIижер ахтармишунар­дай махсус лабораториядиз агакьарун герек я.

«Лезги газет»